＜２０１７年５月尾 上海Shanghai ．Day 4＞

今日就check out啦。所以要好快就拾晒d行李，即刻去豫園商圈行一轉。

 

中途見到有一個講故仔既店舖，都有好多人圍觀。

由於原來入個城皇廟要比錢，而我地又拎住咁多行李，又唔知有d咩睇，哈哈。

我地好想入去豫園個公園行下，但係你睇下條橋！超多人！咁就唯有走人過去人民廣場站食午餐，今次係去食講左好耐既＜小楊生煎＞。

 終於搵到啦！傳說中既＜小楊生煎＞係好食既！大家都可以去試下。我地仲有係呢度地方食左唔同店舖既野。但係都麻麻地。呢度就唔推介啦！

由於離上機時間仲有一段距離，我地決定搭地鐵從＜人民廣場站＞直接去＜浦東機場站＞。

假如大家唔趕時間，真係好平！只需要＄6定＄7咋！

提提大家：浦東機場二號客運大樓係有郵局架！星期日都一樣照開有staff! 可以係果度寄明信片！

ByeBye 上海！

＜２０１７年５月尾 上海Shanghai ．Day 3＞

Day 3

今日試食酒店2樓既自助早餐，款式更多（中餐，壽司也有），服務一樣好。



















食完早餐就出發啦。先去探下位於陸家嘴既東方明珠塔 ，不過真係好難影相！
結果係橋上面影落黎。

除左明珠塔之外仲可以見到下面有間好大既Disney Store! 又可以入去睇下玩下！

同埋有冷氣哈哈哈。

然後呢，就出發去好似好出名既“淮海中路” 行下 （唔明點解呢個係景點）

上海地鐵站各站有佢既特色，好似呢個站既牌，特別做舊既銅色真係幾靚！

雖然買左三日票，但係都想試下係上海買票係感覺。好容易，比起香港最傳統既機好新。

但係香港得咁少個站，點比喎！

有驚喜！係出口係附近竟然有一間LINE FRIENDS既舖頭！

好得意啊！！！！！！當然，同佢有影左唔少相。

由於果日係星期六，參觀同埋買野既人係非常之多，要入去就要排隊。

唔...最後決定都係唔入去啦，遠觀算喇！

淮海中路係一個大品牌既集中地，好多運動品牌，MUJI等等 (上海超多MUJI!)
我又覺得唔駛特別去呢度，除非你好有目標想買野啦。
同埋呢邊既街景係靚既😆

然後轉去最出名既新天地！
我地已經好肚餓啦，就是但去左間香港茶餐廳（唔好打我！）：摩羅街
叫左個Bacon Spaghetti with cream （去到上海仲要食！），試下個瑞士雞翼同埋龍蝦酥皮湯。

評價：意粉好好食！ 瑞士雞翼，雞肉太熟，有少少硬。龍蝦酥皮湯都係正既不過無影相！

經過新天地既商場後就係見到有一條好似田子坊既舊街！

好欣賞上海政府可以保留到咁多有特色既景點然後活化佢成酒吧，商店，博物館！

左邊有幾間特色小店，右邊全部都是酒吧，吸引大量既外國遊客食午餐。

呢度有超多本地人拿住一個又一個既腳架，手上幾部相機，影住化左妝又著得好文青既少女！景色好靚，街道超懷舊，紅色瓦頂，兩傍種滿高大既樹！

吳東步行街係一條市集街，有好多唔同既舖頭係度。有賣衫，又有賣玩具，幾特別既！

下一站南京東路步行街，已經好攰了！見到傳說中既五蚊觀光車，由街中間車遊客去街尾。

然後又試左好多人推既泰康湯包既蟹肉湯包！好足料！我都會推介比你地食！又唔貴喎！ 

向住外灘進發！中途必經既和平飯店，點知！佢前面竟然整路！搞到我影唔到一張好靚既相！😭

係外灘除左睇景之外，我地仲一早係KKday買左船飛，所以只要直奔去碼頭基本上就可以。但係，碼頭好遠！！到左外灘，只係見到好多好多大媽大叔湧晒去影相。想要靚景好簡單，還掂個船碼頭咁遠，慢慢行啦！行一兩分鐘左右先影相，咁就唔駛同人迫！唔好掛住望左手邊既海間，右邊都好靚架！好多舊式建築。

 

 

終於行到了！超多遊客！

  

終於上左船了！一早已經check過幾多點日落，所以今次可以搭船睇到日與夜！好成功啊！

 

 落左船都差不多天黑！一直行去豫園方向搵食！好肚餓呢！
 

我地是但搵左間食，結果就係- 唔好食！😭😭

下次要plan定餐廳！

＜２０１７年５月尾 上海Shanghai ．Day 2＞

Day 2

一起身當然要望望房間既風景

雖然係無乜特別，但係酒店安排一個樓層咁高既房間又真係第一次！
一朝早當然要上尋晚check-in mention過巴48樓食自助餐。
實有賓至如歸既感覺，向waitress show 房卡之後好快就問我地飲咩同埋拎比我地。
成個48樓既餐廳唔算太大，大概有6張檯左右。而且景觀同房間個景其實又差不多。
早餐選擇偏向西式，有芝士同麵包，沒有粉麵！質素亦都不錯！
我地食左差不多一個小時就準備出發了。

而家揀酒店其中一個重點既係要近地鐵！（朋友一直強調上海鐵路的站與站的距離不能夠同香港相比！）所以一離開酒店就向著最近的浦東大道站出發！其實酒店向右走的十字路口的向左走就會見到站。由於我地人生路不熟，一直行一直見到好多趕住返工既人，真係覺得超遠，大概7至8分鐘左右吧！

第一件事係買上海三天地鐵票。


 （截圖自上海地鐵）
RMB45 三天，根據似我地外地遊客，無賺不過省時間，唔駛無次買票。而且可以留紀念。
請注意：只能坐地鐵不包括巴士

由於早上係有公事就唔多講啦，大概傍晚時份於上海高鐵站到達。高鐵無咩特別，似外國既Express Train, 應該令本地人去唔同城市花更少既時間！

很快就天黑了，於是去左無論係白天定黑夜既呼聲都高既田子坊！位於打浦橋站出口為商場，然後穿過好舊的城門既街過對面馬路就到了！

最興奮既係有個男仔手上有一盒超長既薯條（我地都餓了！），然後就知道呢個文青地方又有得食，又有得睇！（很重要！）

到訪左鼎鼎大名既 “三生有信”，買左一張好靚既postcard寫比自己（必做的），順便買埋郵票！1.6塊郵票卻收我5塊錢也太貴了吧？沒辦法，點知自己買唔買到郵票💔

文化氣色好重的田子坊，每個地方都好靚，每間店各有各特色！
內面有好多好多既旗袍店，真係好有衝動買一件返去！

最後都成功搵到食到想食既薯條 28RMB，店名叫老大薯條。薯條好食好脆。

不過我地叫明明係芝士醬，食落味道似沙律醬！

有好多路人見到呢個小食都問我地係邊道買！老闆要比我地宣傳費！

行晒成個田子坊只係買左一張postcard+郵票，芝士長薯條同埋.....非常遊客的紀念品，號稱“非物質文化遺產剪紙”，於是一共剪了兩個，一共RMB60。呢個係好特別既紀念品！

田子坊的對面就係非常靚既玻璃博物館！不過太夜了，離開田子坊時已經關門。

唯有一直向前走睇睇有咩可以做晚餐，但係行左一條街左右就覺得人愈來愈少，所以回頭行返去商場！最後落腳於日月光中心既“麟籠坊”。

 小籠包還可以，我食既蔥油麵反而不錯！

第二天旅程暫時去到呢度

題外話：田子坊外有一間叫做HeyTea賣類似珍珠奶茶既店，有近100人排隊，求解釋...

＜２０１７年５月尾 上海Shanghai ．Day 1＞

機票+酒店：＄2430／人
飛機：香港航空晚機去浦東下午飛機返香港
酒店：Novotel Atlantis 行政套房3晚

Day 1

提提大家飛上海要注意空管，個時間唔好太得盡。但係我放工飛去機場咁又無辦法啦。

今次原定夜晚九點起飛既飛機順延到十點，今次搭既係香港航空估唔到係無entertainment既。
大概起飛後一個鐘就有晚餐食啦！

大概十一點三左右，飛機已經到左浦東機場，不過要等多45分鐘先可以降落！👿👿👿
對浦東機場既感覺都唔錯，好乾淨而且四圍都可以裝水同埋廁所都幾多。
行前都幾步就可以過immigration！雖然咁夜，其實本地人定外國人都係排同一邊隊，仲有個職員都已經好眼訓做得好慢！由於空姐係飛機上面已經講左幾多號行李帶拎行李，好快就已經拎到了出發去酒店了。由於逗留日數同行程都幾趕下，今次並無選擇book 機場酒店，雖然上次係吉隆坡既感覺係唔錯既。

我一向都好怕凌晨機到機場既，今次去浦東機場都有點擔心，所以都做足功課網上搵資料關於凌晨機場交通。但由於今次選擇既酒店並唔係係上海市中心，最後選擇左搭的士去酒店！記著目標一直望住機場既的士站，千其千其唔好搭其他“私人”的士。

搭左大概40分鐘的士左右，凌晨一點半終於到達酒店Novotel Altantis (近浦東大道站），（提提大家如果凌晨機最好就搵d 大brand既酒店，費時去到櫃檯無人，又或者住airbnb搞到個host咁夜黎招呼你啦）好啦，講返check in果時得知有得住最高果層客房，仲有得上48樓睇住靚景或者2樓食自助早餐，超興奮，但係亦都超眼訓！快快趣沖完涼就訓覺啦！

期待接落黎的行程！

＜２０１７年３月尾 馬六甲．波德申．吉隆坡＞ 住宿四人房

本著慳家的宗旨記得一定要格價!

1. Travigo

2. Expedia 經常都有做 Mastercard 優惠88折

由於馬來西亞物價比香港平，住宿可以唔需要太貴都可以有靚酒店住。

今次旅行主要住四人房，一家人住埋一齊開心d.

———

Day 1
由於飛機凌晨時份先到，本來都有諗住空去吉隆坡市中心休息。但係考慮到當地的士凌晨時份會加價500%，我地決定訂一晚係機場附近（唔駛行果種）。

最後揀左Plaza Premium Lounge KLIA 2，貪佢夠就腳以及有早餐食!

Day 2
會去馬六甲住一晚就揀左睇落靚靚仔仔既 Estadia Hotel
酒店既位置比較近舊城區，同埋由於我地會係租車兩日，有車位亦都好重要!

Day 3
因為聽聞到母親大人的友人話Port Dickson要去一去，我地會由馬六甲經Port Dickson 先返吉隆坡機場。Port Dickson 最出名係靚景，所以睇左幾間resort 後就決定揀 Lexis Hibiscus Port Dickson住一晚Premium Pool Villa!
**Book房時請留意Tower Block都有房架，如果想enjoy獨立屋仔既你地要睇清楚先book房啦!

Day 4 & Day 5
心思思諗左好耐住Sentral定Bukit Bintang。最後睇到Bukit Bintang果邊近返熱鬧旺區就揀左果邊。至於我地最遠只係去Batu Cave，唔會去雲頂，所以住呢邊都無問題。
Kuala Lumpur 市中心有Hotel, Apartment, Motel 揀，最後睇中左 The Face Suite - Two Bedrooms Deluxe.

(有待更新)

＜２０１７年３月尾 馬六甲Malacca．波德申Port Dickson．吉隆坡Kuala Lumpur＞ 一個半月前的準備

放完農曆新年後發現三月尾時間唔錯，決定又可以去旅行。

星期二晚去星期日晚返：請三日去五日

一家人去旅行當然唔想太貴機票啦，所以target 係一千蚊港紙既以下一位既機票。

作為香港人第一時間當然係上Cathay Fanfares 睇睇有咩地方去，皆因都未有頭緒去邊玩好。

睇完一大輪城市：清邁，金邊，汶萊，阿庇；我地決定去馬來西亞既吉隆坡。

香港直飛吉隆坡既機唔算多: CX 馬航 Airasia DragonAir 仲有一間叫: 馬印航空 (未聽過)

目標:

1. 時間優先 我地prefer星期二晚飛 玩到最盡 同埋星期日傍晚返到 (星期一仲要返工架大佬)

2. 一千蚊來回一位

最後成功搵到Airasia 唔駛一千蚊!
我係Airasia買機票時都搞左好耐 最後用個Download左IOS App完成交易。

＜２０１６年１２月 悉尼．開恩茲．墨爾本．塔斯曼尼亞＞ 半年的準備

早於2015年尾就決定要在2016年尾去旅行。
當時由於時間尚早，對於旅行的目的地完全無概念。
2016年12月2日至12月20日，一共是19天的旅程。本來也有興趣到訪Dubai 杜拜的，但係我地想要去得耐就無諗，決定要去澳洲！

最令人頭痛既係行程，點飛比較順同埋平。咁去澳洲去邊好呢? 由於兩年前同行既屋企人已經去過Gold Coast, Brisbane, Melbourne同埋Sydney，佢地就話今次想去佢地未去過既地方即係開恩茲（Cairns）同塔斯曼尼亞Tasmania。

大件事啦，Cairns係北面，Tasmania係南面。香港又無機直到Tasmania, 咁點算呢!
最後我地放棄買multi destination，飛悉尼墨爾本返果種。
但係由於想夜晚離開香港（就算凌晨機都無所謂），唔係每個destination 都容許我地隨意選擇。
因為悉尼同墨爾本屋企人都唔介意再去，最後我地選擇左Cathay 夜晚9點半機。

Zuji買機票連稅HKD6150，用左Zuji Promo 用東亞信用卡找數減HKD500，總數HKD5650一位